Sberbanka napušta nekoliko evropskih zemalja

Ruska Sberbanka planira da napusti niz evropskih zemalja zbog ozbiljnih poteškoća u poslovanju, izjavio predsjednik Uprave Sberbanka Herman Gref.

Kako je naveo, ozbiljne poteškoće u poslovanju proizlaze iz silnog regulatornog pritiska povezanoga sa sankcijama protiv Rusije.

“Trenutno optimizujemo naše poslovanje u Evropi, a iz niza zemalja ćemo otići. U Evropi je izuzetno teško poslovati pod sankcijama”, rekao je Gref u intervjuu za TV kanal Rossia 24.

“Tamo (u Evropi) smo pod izrazito snažnim pritiskom regulatora. Premda na tom tržištu ne pripadamo u red velikih banaka, uvršteni smo među sistemski važne banke pod direktnim nadzorom Evropske centralne banke, a tom nam vrlo ozbiljno komplikuje život. Za malu banku snositi sve troškove povezane s direktnim nadzorom ECB-a nad sistemski važnim bankama, nije jednostavno”, rekao je Gref.

Najavio je veću koncentraciju na tržišta zemalja bivšeg Sovjetskog Saveza.

Evropsko poslovanje Sberbanke organizovano je grupaciju Sberbanka Europe sa sjedištem u Beču odakle se upravlja mrežom banaka-kćeri u Slovačkoj, Češkoj, Mađarskoj, Sloveniji, Hrvatskoj, Bosni i Hercegovini, Srbiji, Ukrajini i Njemačkoj. Osim toga, Sberbank posluje kroz ćerku firmu u Švajcarskoj.

Prema podacima Sberbankae, evropske filijale s dobiti su počele da posluju početkom 2016. godine.

Ovog ljeta Sberbanka je prodala biznis u Slovačkoj, ali, kako se navodi, najneuspješnijim tržištem za Sberbanku postala je Hrvatska, gdje su 2016. godine vlasti obavezale banke da ponovo izračunaju hipoteke stanovništvu po stopi koja nije profitabilna za banke, što je dovelo do gubitaka, a još 1,1 milijardu evra Sberbanka može izgubiti zbog kredita Agrokoru.

Check Also

Potpisan protokol o izmjeni Zakona o fiskalizaciji: Advokati na poslu od ponedjeljka

Predsjednik Advokatske komore Zdravko Begović potpisao je protokol o saradnji za izmjenu Zakona o fiskalizacijisa …

Leave a Reply

Your email address will not be published. Required fields are marked *