Da je HSBC država, bila bi peta svjetska ekonomska sila. Osnovana tokom zlatnog doba trgovine opijumom kako bi omogućio Britanskoj imperiji pristup kineskom tržištu, stvorila je jedinstvenu mrežu za seljenje prljavog novca širom svijeta. Od utaje poreza do pranja novca za mafiju i manipulacije valutom, „ova banka je uradila sve loše što jedna banka može da uradi“.
2012. HSBC je skoro izgubio dozvolu za rad u SAD zbog pranja novca meksičkih i kolumbijskih narko kartela. Podnesene su krivične prijave, a rukovodioci HSBC-a izvedeni pred senatsku komisiju. Ali Džordž Ozborn, tadašnji ministar finansija Velike Britanije, pisao je svom kolegi u Americi i predsjedniku Federalnih rezervi da se založi za njih. Tvrdio je da bi, ako HSBC dobije oštru kaznu, to imalo ozbiljne reperkusije po svjetsku finansijsku i ekonomsku stabilnost. Pismo je prošlo i HSBC je kažnjen sa 2 milijarde eura. To je ekvivalent mjesečnog profita banke.
Kako se centar međunarodnih finansija seli u Aziju, HSBC je na prvom putu. Ovo je “najkineska” od svih zapadnih banaka i najevropskija od svih kineskih banaka. Zaštićena od Londona, blagoslovljena od Pekinga, ko bi se usudio da je napadne?
