Borba za turiste: Države regiona žele letove iz Kine

Crna Gora je postala najnovija zemlja bivše Jugoslavije koja traži letove iz Kine, slijedeći korake Makedonije, Hrvatske, Bosne i Hercegovine i Slovenije. Danilo Orlandić, direktor Aerodroma Crne Gore, koji upravlja sa dva međunarodna aerodroma u zemlji nedavno je kazao da sa strateškim partnerima traže značajno povećanje broja gostiju iz Kine, naročito izvan ljetne sezone, što bi našoj zemlji moglo da donese nam veliki broj turista.

Trenutno, putnici dolaskom letovima Hainan Airlinesa u Beograd nastavljaju put ka Crnoj Gori nakon nekoliko dana provedenih u Srbiji.

S druge strane, Makedonija i Kina se pripremaju za potpisivanje bilateralnog sporazuma o avioletovima nakon sastanka predstavnika dvije strane nedavno u Skoplju.

Najzauzetiji aerodrom u Hrvatskoj potvrdio je da će u bliskoj budućnosti tražiti letove iz Kine.

“Predviđamo konačne razgovore o dolasku kineskog prevoznika jer Hrvatska postaje sve intereseantnija za kineske turiste. Takođe raste kinesko ulaganje u Hrvatsku i vjerujemo da ćemo moći pronaći zajedničko mjesto za uvođenje letova iz kineskog grada”, rekao je generalni direktor Aerodroma Zagreb Žak Feron.

Bosna i Hercegovina nastoji da uspostavi letove s Kinom preko Beograda, nakon što su dvije države ukinule vizne zahtjeve za građane krajem prošlog mjeseca. Ministar komunikacija i saobraćaja Bosne i Hercegovine Ismir Jusko izjavio je da letove Peking – Beograd – Sarajevo vjerovatno očekuje nakon razgovora s kineskom ambasadoricom u Bosni i Hercegovini, Chen Bo. Jusko je napomenuo da se od ove dvije zemlje očekuje potpisivanje bilateralnog vazdušnog sporazuma koji bi obezbijedio pravni okvir za uspostavljanje letova.

Slovenija je takođe krenula ka obezbeđivanju letova za Kinu. Ministar Slovenije za ekonomski razvoj i tehnologiju Zdravko Počivalšek kazao je: “Mi smo zainteresirani za poboljšanje kopnih, morskih i zračnih veza s Kinom. Očekujemo da direktni letovi između kineskog sjeverozapadnog grada Xi’an i našeg glavnog grada Ljubljana budu uspostavljeni uskoro”, navodi EX-Yu Aviation.

Check Also

Završen prvi CBCG FinTech Hackaton: prva nagrada za „Budućnost“

Svečanim proglašenjem pobjednika večeras je završen prvi CBCG FinTech Hackathon na temu „Budućnost digitalnih bankarskih …

Leave a Reply

Your email address will not be published. Required fields are marked *