Cijene goriva u Hrvatskoj zabilježile su najveći skok u istoriji, pa litar “eurosupera” sada košta između 10,14 kuna i 10,15 kuna (od 1,33 do 1,34 eura).
Prema informacijama portala cijenegoriva.info, litar “eurosupera 95” poskupjela je 32 lipe, čime ukupno poskupljenje iznosi 57 lipa u posljednja četiri dana.
Ovo je ujedno i najviša cijena ove vrste goriva od početka novembra prošle godine.
Prosječni rezervoar od 50 litara danas je skuplji za čak 28,5 kuna (3,7 eura) u odnosu na prošli utorak.
Kad je u pitanju “eurodizel”, cijena litra ove vrste goriva je u posljednja četiri dana skočila za ukupno 55 lipa, čime je prosječni rezervoar od 50 litara skuplji čak 27,5 kuna (3,63 eura).
S druge strane, na radost vozača koji koriste autogas, ova vrsta goriva je opet jeftinija, šestu nedelju zaredom, i to za dvije lipe. U posljednjih šest nedelja, rezervoar od 50 litara ove vrste goriva pojeftinio je ukupno 43,5 kuna (5,7 eura).
