Investitori uzbuđeni: Apple sprema nešto VELIKO!

Nakon što je Tim Cook preuzeo vodstvo Applea, cijena akcije ove kompanije dosegla je najveći iznos u istoriji i premašila 700 dolara, da bi ubrzo nakon toga njena vrijednost brzo počela padati. Dio tržišnih analitičara tada je tvrdio kako je vrijeme Appleove dominacije gotovo te da su im potrebne nove kategorije proizvoda, dok su neki tvrdili kako se s vremenom pokazalo da Tim Cook ipak ne može uspješno voditi kompaniju kao i Jobs.

Jedan od poznatih tehnoloških investitora Carl Icahn prije godinu dana na Twitteru je objavio kako je cijena Appleove akcije (za koju su mnogi tvrdili da više nikad neće doseći cifre kao u septembru 2012.) veoma podcijenjena te je svima savjetovao kupovinu dok su cijene tako niske.

Pokazalo se da je Icahn bio u pravu te je cijena Appleove akcije juče premašila sto dolara (u aprilu je Apple podijelio akcije u omjeru 7:1 tako da prijašnja cijena od 700 dolara sada odgovara cijeni od 100 dolara) te su oni koji su ga poslušali u godinu dana povećali svoj ulog za čak 53 posto.

Razlog za ovakvo povećanje akcija jesu ‘velike stvari’ koje Tim Cook i ekipa pripremaju za ovu i sljedeću godinu. iPhone 5S s 4 inčnim ekranom najprodavaniji je telefon na tržištu, a u Appleu su uvjereni da će iPhone 6 s velikim ekranom i phablet koji pripremaju potpuno osvojiti korisnike pa su, prema informacijama tržišnih analitičara iz RBC-a, od svojih dobavljača naručili 70-80 miliona telefona, odnosno čak 20 miliona više u odnosu na narudžbine iPhonea 5C/5S, prenosi Dnevnik.hr.

Osim velikih iPhonea, Apple ima još jedan veliki adut o kojem se već godinama piše – pametni sat iWatch. Sve je više glasina kako se njegov razvoj bliži kraju tako da bi ga Tim Cook mogao predstaviti već ove ili najkasnije sljedeće godine. Takođe, očekujemo i predstavljanje novih modela iPadova, kao i nove modele računara (spominje se jači Mac mini, a možda i MacBook Air ili Pro laptopovi).

– See more at: http://tehnologija.me/investitori-uzbudeni-apple-sprema-nesto-veliko/#sthash.QyNjD6UN.dpuf

Check Also

Povoljniji prevoz za građane upućene na liječenje van Crne Gore

Fond za zdravstveno osiguranje i nacionalna avio-kompanija Air Montenegro potpisali su Protokol o saradnji kojim …

Leave a Reply

Your email address will not be published.