Ruske banke oslobođene kontrole na Kipru

Filijala ruske Avtovazbanke na Kipru izuzeta je od primjena mjera za kontrolu kapitala.

Ona se našla na spisku stranih banaka ministarstva fianansija Kipra kojima je vraćena “puna sloboda operacija na ostrvu i van njega”, prenio je Itar tas.

Avtovazbanka je treća ruska banka na tom spisku 16 kreditnih organizacija. Prethodno su 10. maja “oslobođene” Ruska komercijalna banka (ćerka VTB) i filijala Promsvjazbanke.

Pored njih slobodu dobile su i ukrajinska Privatbanka, više od pet libanskih banka, strukture britanskog Berkliza i druge.

Sve one, po mišljenju Centralne banke Kipra, ispunjavaju kriterijume za izuzeća od mjera ograničenja kretanja kapitala. Istovremeno, ministarstvo finansija Kipra zabranjuje ovim bankama da posluju s klijentima iz redova građana Kipra koji već imaju račune kod tih finansijskih organizacija, kao i da otvaraju nove račune, prenosi B92.

Podijeli ovaj članak