Visa poklon kartica First Financial Banke

Dodajte komentar

Za sve koji su u nedoumici oko izbora poklona, First Financial Banka  je pripremila Visa poklon karticu, idealni poklon za sve prilike i sve koji vam znače.

Radi se o dopunjivim karticama na kojima uplatom sami odredjujete iznos kojim će raspolagati osoba kojoj je poklon namijenjen. Maksimalan iznos uplate na karticu je 2.000 eura.

Povod za kupovinu kartica može biti rodjendan, vjenčanje, odlazak u penziju, rodjenje djeteta itd. Poklon kartica će osobi kojoj darujete omogućiti da prema svojim željama, i u granicama raspoloživog iznosa, na svim mjestima u zemlji i inostranstvu koja nose VISA/VISA Electron oznaku, kupuje robu, koristi usluge ili podiže gotovinu na bankomatima. Ovim karticama se takođe može kupovati i preko interneta.

Poklon kartice može kupiti i svako pravno lice. Kartica je namijenjena darivanju zaposlenima i poslovnim partnerima kao prigodan poklon.

Kartice su unaprijed izrađene i na njima se ne nalazi ime i prezime korisnika već samo broj kartice, rok važenja i broj računa. Može je koristiti samo osoba čiji potpis stoji na poledjini.

Moguće ih je kupiti u poslovnicama First Financial Banke. Postupak izdavanja je brz i jednostavan, a preuzimanje slijedi odmah nakon uplate sredstava na račun kartice. Poklon kartica ima pripadajući PIN, prigodno je upakovana i odmah je spremna za darivanje.

Bankar.me

Podijeli ovaj članak
Ostavite komentar

Komentariši

Vaša email adresa neće biti objavljivana. Neophodna polja su označena sa *